Chapter 11

TINULUNGAN si Olive ni Tonia na ihanda ang kailangan nila para sa magiging picnic nila sa falls. At nang masigurong kompleto na ang mga dadalhin nila ay nagpunta na ng kuwarto si Olive para magbihis. Pagkatapos magbihis ay pumunta na siya sa sala, doon sa mag-ina. Sa sala na lamang niya hihintayin si Nickson.

"Ang ganda mo, Olive. Kaya siguro na inlove si Sir Nickson sayo," buong paghanga na komento ni Tonia.

"Naku po, Aling Tonia. Mapagbiro po pala kayo," sagot ng natatawang si Olive. Nakashort siya at nakaone piece swimsuit na itim sa loob ng short.

"Hindi ako nagbibiro, Olive. Maganda ka talaga. At alam mo bang ikaw lang ang dinalang babae r'to ni Sir Nickson."

Ikinagulat niya ang nalaman.

"Ibig niyo po bang sabihin, kahit si Denise hindi pa nakakapunta rito sa Siargao?" nagtatakang tanong niya. Paanong nangyari na hindi alam ni Denise ang lugar na ito? Matagal na silang magkarelasyon. Balak na nga ni Nickson pakasalan ang nobya.

"Hindi ko nga kilala 'yong Denise na 'yon. Ikaw lang