Kabanata Labing -Pito

Araw ng Sabado at nagkayayaang muli ang magkaibigang Kate at Anya na tumungo ng Pakol,

Paborito pa lang tambayan ni Kate ang lugar dahil sa tahimik na atmospera rito. Pasado alas tres ng hapon nang daanan sya ni Kate sa bahay nila. Hindi ang paborito nitong bike ang dala kundi isang bagong scooter.

Ipinagpaalam sya ng kaibigan sa Lola Mareng niya. Magiliw si Kate kaya mabilis nitong napahinuhod ang kanyang Lola. Katunayan ay pinabaon pa sila nito ng sumang Moron. Labis naman ang naging katuwaan ni Kate dahil naging paborito na nito ang nasabing kakanin. Nangako na lamang sila sa matanda na hindi rin magtatagal. Pinayuhan na lamang sila ni Lola Mareng na mag-iingat.

Madalas ay dala-dala ni Kate ang gitara nito katulad ngayon. Natuklasan ni Anya na may nakatago palang talento sa pag-awit ang kaibigan. Mahilig rin itong gumawa ng sarili niyang komposisyon. Agad silang pumwesto sa lilim ng isang mayabong na puno pagkarating sa lugar. Kasabay nang pagtipa sa kanyang gitara ay nagsimula