Kabanata 17 : Predator Pt. 1

5 YEARS AGO

"Magandang araw sa inyo Mr. and Mrs. Levine. Ako nga pala, si Marcos Madrigal pero tawagin n'yo na lang akong Makoy. Ako ang kasalukuyang kapitan dito sa baryo." Pakilala ng lalaking sumalubong sa amin. "Ngayon palang ay magpapasalamat na ako dahil ang baryo namin ang napili ninyo para sa inyong feeding program. Nagagalak kaming lahat sa kabutihan ninyo," dugtong pa nito.

Bumaling s'ya sa amin ni Marcia saka n'ya kami matamis na nginitian.

"Maraming salamat din kapitan Makoy sa pagtanggap n'yo sa amin dito," pahayag ni uncle Jules.

"Malaking tulong para sa amin ang pagdating ninyo, Sir Levine. Minsan lang dumating sa amin ang tulong mula sa labas kaya sobrang saya naming lahat," pahayag ni kapitan Makoy. "Tutulungan na namin kayo sa pagbubuhat ng mga dala ninyo."

"Salamat."

"Oh s'ya mga kabaryo, tulungan na natin ang mga bisita natin." Anunsyo ni kapitan Makoy.

Tumulong na rin kami ni Marcia sa pagbubuhat ng mga dala namin na nasa L300. Habang naglalakad ay napansi