Episode 25

Kinaumagahan ay mugto ang mata ni Elena ng gumising. Mabuti nalang at late siyang nagising. Wala na siyang kasama sa kama at isang post it note lang ang nakita niyang nakapatong sa bedside table. Si Alvin ang naglagay niyon at may nakasulat na pumasok na ito ng opisina at may inihanda na din daw itong breakfast niya.

Bumangon na siya at dumeretso sa banyo para maligo. Kumain na din siya ng agahan pagkatapos ay naglinis ng bahay. Inilibot niya ang tingin sa condo ni Alvin, Tiyak na mamimiss niya ang lahat ng sulok ng bahay na ito. Ang masasayang ala-ala nila ng lalaking labis niyang minahal.

Dinampot niya ang kanyang cellphone at tinex ang ama. Sinabi niya kung saan sila magkikita at kung anong oras. Ang totoo ay nagdalawang isip parin siya sa plano niya ngunit wala na siyang naisip na ibang paraan.

Alas dos ng hapon ay nasa loob na siya ng coffee shop sa loob ng mall kung saan sila nagkita ng ama noong nakaraan. Kaharap niya ang dayuhan niyang ama na nakatitig lang sa kanya. Wari n