Chapter 19

19

"Hi, ma'am Andrina! " Nagulat si Erin dahil sa pagbati sa kanya ng isang lalaki.

"Luis, right? " Nakangiting sabi naman ni Erin.

"Yes ma'am. Lunch time na po a? Saan po ang punta ninyo? " Magiliw na sabi ni Luis kay Erin. Hindi naman maintindihan ni Erin pero hindi siya komportable sa lalaki.

"Ah, oo nga. Mauuna na kasi akong umuwi sa bahay. May inaasikaso pa si Xavien kaya uuna na ako."

"Hindi ka man lang niya ihahatid." Kakaiba ang tono ni Luis ng sabihin iyon.

"Ah, oo. Naghihintay naman ang driver sa lobby kaya okay lang."

"Ganun ba ma'am. Maglalunch na rin ako, gusto niyo bang sumabay na sa akin? "

"Ah..."

"Halina po kayo." Hindi na siya pinatapos na umimik ni Luis at hinawakan pa siya sa braso.

Naiilang naman siyang sumabay sa lalaki.

"Naku, ma'am sira nga pala ang elevator. Doon na tayo dumaan sa hagdan."

Aayaw na sana si Erin ng bigla namang may lumapit pa sa kanilang isang lalaki.

"Luis! Sasabay na rin ako sa inyo. Ay, ma'am Andrina! Kayo po pala, magandang tanghali po."