Chapter 7: Watch her every move!

Hindi alam ni danica ngunit paglabas pa lamang niya sa elevator ay parang may nagmamasid sa bawat galaw niya, ngunit kahit anong tingin niya sa kaliwa, kanan at likod niya ay wala siyang makita kahit isang suspicious na tao.

Siguro ay masyado lang nasanay ang katawan ng dalaga na laging may sumusunod kaya ganoon na lang ito mag-overthink na may nanunuod sa bawat kilos niya, pero para makasiguro ay mas binilisan niya ang lakad hanggang makalabas siya ng building. Ngunit walang nagbago, hindi nawawala ang kakaibang pakiramdam niya.

Muli siyang lumingon sa likod ngunit wala talaga kahit isang tao ang sumusunod sa kaniya, kagat sa labi itong muling humarap sa daan ngunit isang matigas na bagay ang tumama sa noo niya. Hindi pala bagay kundi isang dibdib ng lalaki ang nasa harapan niya ngayon, unti-unti niyang inangat ang mukha pataas para tignan kung sino ito.

“Are you an idiot, why are you looking at your back while walking?” Sumalubong sa mga mata ng dalaga ang salubong na mga kilay nito