Chapter 14-Pang-iinsulto

Pagkapasok sa silid ng matanda at agad na inilahad ni Shaina ang tungkol sa kaniyang kambal na anak. Kita niya sa mukha ng abuela ang pagkagulat sa una, kalauna'y napaiyak.

"Tiyak na nagdanas ka ng paghihirap at wala manlang kami nagawa ng iyong ama."

"Huwag na po kayong malungkot, lola. May mabuting tao namang tumulong sa akin, siya ang dahilan kung bakit hindi agad ako nakapunta dito."

Nakakaunawang hinaplos muli ni Cristy ang pisngi ng apo. Masaya siya at nagkaroon ito ng ikalawang pamilya. Kahit papaano ay panatag na ang kalooban na lisanin ang mundong ibabaw dahil maayos ang kalagayan nito.

"Lola, may isa pa sana akong ihingi ng tawad. Hindi ko gustong kalabanin ang ating pamilya, pero sinunod ko lang ang aking puso nang magsimula ng buhay sa Italy."

Pinakinggan lang ni Cristy ang apo na magsabi ng buhay nito ngayon. Sa una ay nasaktan siya pero hindi niya ito masisi. Siya rin naman ang nagturo dito upang maging successful sa buhay. Dapat siya maging masaya dahil may napatunayan