Chapter 15-Shock

"Salamat po sa malasakit, Tita Matilda, pero wala ka sa Italy para isiping nakipaglaro lamang ako sa isang relasyon. Hindi po ako katulad ng inyong anak na takot maubusan ng lalaki." Nakangiti pa siya sa ginang at diniinan ang huling salita.

"How dare yo—"

"Matilda, nasa harap tayo ng pagkain!" mabilis na saway ni Jessy sa asawa bago pa nito matapos ang sasabihin.

"Iniinsulto mo ba kami?" nagpupuyos sa galit ang kalooban ni Lovely."

"Lovely," mahinang tawag ni Angeline sa kapatid upang pigilan ito sa pagsasalita.

"Oh, sinasagot ko lamang ang iyong ina, My Dear Cousin." Umaktong inosinte si Shaina.

"Shaina, lalamig na ang pagkain." Sumandok pa si Gabriel ng ulam at inilagay sa plato ng anak upang kunin ang atensyon nito at hindi na magkainitan.

"Matilda, lahat ng tao ay nagbabago. Huwag ugaliing manghusga." Malumanay ngunit nasa tinig ni Cristy ang hindi natutuwa sa mga narinig.

Hindi na muling nagsalita pa si Matilda. Hangga't maari ay ayaw niyang nagagalit sa kaniya ang ina ng asawa.