CHAPTER 40

Hindi si Philip ang ama ng mga bata ngunit natitiyak niyang kilala niya kung sino ang ama ng mga ito. Gusto niyang kumpirmahin mismo sa kapatid pagbalik ni Pancho sa Pilipinas.

“Tigilan mo ang pangingialam kay Astrid kung ayaw mong magalit sa iyo si Kuya Pancho.”

“Kamping-kampi ka sa bakla mong kuya. May something ba sa kanya? Puwede niyang pagtiyagaan si Astrid lalo na kung walang ama ang mga anak niya. Puwede na rin. Samantalahin niya habang tulo-laway pa sa kanya si Pancho. Mukha namang hindi pa nakakatikim ang kuya mo,” pang-aasar nang babae.

Tinalikuran ng lalaki ang mga pasaring ni Castela na pawang wala namang basehan. Alam niyang tunay na lalaki ang kanyang kuya. Napangiti na lang siya at nakaramdam ng konting inggit dahil may anak na si Astrid habang silang mag-asawa ay patuloy pa ring umaasa na mabiyayaan kahit isang supling.

Hindi naman pinatagal pa ni Pancho ang pananatili nila sa Amerika. Mabilis silang nakabalik sa Pilipinas. Masaya silang sinalubong ng abogado ni Astrid