CHAPTER 11

TASHA

Sabado ng hapon ng magpaalam ako sa butihing may bahay ni Gob at kay Nanay Gloria na siyang tumatayong taga pangasiwa ng buong mansyon.

Normally, tuwing Linggo ang day off ko.

Ngunit sinubukan kong magpaalam kung puwede na ba akong umalis ng Sabado ng hapon.Pumayag naman sila at walang naging problema.

Gusto kong kahit paano ay makapaglagi ako sa bahay ng matagal-tagal. Kailangan ko rin dumaan sa botika para bilhin ang ilang mga gamot ni tatay para sa loob ng isang buwan.Nagtabi na rin ako para sa iipunin kong pangtubos sa lupa ni Tatay. Ito ang unang beses na sumahod ako. Masarap pala sa pakiramdam na mahawakan ang perang pinaghirapan kong pagtratrabahoan sa loob ng isang buwan.Ramdam ko ang saya at pagmamalaki sa aking sarili. Ang hawak kong pera na bunga ng aking pinagpaguran.

Mula sa mismong bayan ay ilang kilometro na lamang ang layo ng aming Barangay. Nagpasya akong maglakad na lamang. Kayang-kaya ko naman lakarin e, kesa umarkila pa ako ng trysikel. Karamihan kasi sa