Chapter 38

Mahinang napadaing si Ali nang haplusin niya ang pasa sa kanyang galanggalangan. Bumaon ang kuko ni Dylan kanina kaya mahapdi rin ang sugat. Kahit na ginamot na ito ni Penny ay hindi naman ito agad na gagaling. Tapos kumikirot din ang may panga niya na may pasa na rin. Bumakat ang mga daliri pa ng lalaking ‘yun sa balat niya kaya kung may makakita man sa kanya ay iisipin nilang may kasintahan siyang nanakit sa kanya.

Bumuntong hininga siya at sumulyap sa may pinto. Ang sabi ni Penny ay sa main house pumunta si Eros. Hindi pinaliwanag ni Penny kung ano ang gagawin ng binata roon pero may ideya na siya kung ano. Pero hindi pa rin siya mapakali at panay ang tingin niya sa nakasarang pinto. Bakas ang pagkainip sa kanyang mukha. Dahil alam niya sa sariling ang lalaki lang ang makakapagpakalma sa pangangamba at takot niya. Dahil sa oras na ito ay kahit kalmado ang mukha niya ay sa kailaliman ng puso niya ay parang may maraming kamay na pilit inaabot ang mga paa at kamay niya pabulusok sa na