Thirteen

Matapos kong magpacheck up sa doctor ay nagtanong tanong ako kung saan may hiring na kahit anong trabaho. Kung tutuusin naman sana ay graduate ako ng business management kaya sana ay may mahanap ako.

May maliliit na kumpanya dito sa probinsya na pupwedeng pasukan kaya doon ako nag-umpisa. Ang sabi ay meron daw sa Gallego, isa iyong factory na pagawaan ng damit at naghahanap ng sekretarya para sa branch na iyon. Ang kanilang pinaka office talaga ay nasa Manila.

May dala dala na akong requirements at ang plano kong magtatanong lang ay kaagad akong sinalang sa interview dahil wala raw masyadong nag-aapply at nangangailangan na sila ng bagong empleyado. Karamihan kasi na mga taga dito ay mas pinipiling sa Manila na magtrabaho dahil hindi hamak na mas malaki ang sweldo doon at maraming opportunity. Pero para sa kagaya ko na walang choice ay okay na ito.

Hindi mawala ang ngiti ko nang makapasa ako sa ginawang test at sabi daw ay bumalik ako para sa final interview. Sana ay makuha ako par