Chapter 30

Inilapag ko yung belt bag ko sa de kahoy na upuan. Dumeretso ako sa kusina para tignan ang mga nakatakip na pagkain. Tuyo at tortang talong ang nasa plato. Kumuha nalang ako ng plato para kumuha ng kanin tapos ay naglagay ako ng ulam sa plato ko.

Habang kumakain ako nakatingin lang ako sa cellphone ko. Natatawa lang ako sa pinag–uusapan ni Ica at ni Miri tungkol sa math subject namin sa gc. Hindi naman ako natatawa dahil nakakatawa yung pinag–uusapan nila, natatawa ako kasi wala akong maintindihan.

“Rogel,” narinig kong tawag ni Tatay. Pagtingin ko sakanya ay palabas na siya ng kwarto.

“Tay.” Tumayo ako para magmano sakanya na pinagbigyan niya naman, “Si Nanay?”

“Nagb–bingo kesa Pasing,” sagot ni Tatay. Napakamot siya sa ulo niya tsaka siya tumingin sa belt bag kong nasa upuan, “May pera kaba diyan, penge naman pang–isang gin lang?”

Kinuha ko agad ang belt bag ko para hindi na makakuha si Tatay roon, “Eh tay, pangbaon ‘to ni Randy eh.”

Kumunot ang noo niya sabay hila sa bag, “Magkano