Kabanata 10

Kabanata 10

"Paulit-ulit lang ito?" Tanong ko.

Lumunok muna siya bago tumango at ibinalik ang tingin sa gitara. Inutusan niya akong ikasa na ang gitara habang nakaipit ang mga daliri ko sa mga frets na tinuro niya. Sinubukan ko ang tinuro niya, up and down na pagkasa at mas diniinan ang pagkakahawak sa mga strings.

Mukhang natugtog ko naman iyon nang maayos dahil maganda naman ang kinalabasan kaya nakangiti akong lumingon kay Syd.

"Ayos ba?" Tanong ko.

Natigilan siya. Napatitig muna siya sa akin bago ngumiti at sumagot. "O-Oo, maayos..." Aniya bago tumikhim.

Maganda ba talaga ang tugtog ko or sadyang maganda lang talaga ang tunog ng kaniyang gitara? Nahihiya ba siyang aminin sa akin ang totoo na pangit talaga ang tugtog ko kaya nautal siya dahil sa pagsisinungaling niya?

Nanatili ang titig ko sa kanya, hindi na inalintana kung gaano na kalapit ang mga mukha namin.

"Hindi ba maganda?" Tanong ko ulit.

Napabalik ang tingin niya sa akin. "M-Maganda naman, not bad for beginners..."

If tha