Kabanata 108

Lumipas ang isang linggo at naging maayos na rin ang lahat. Wala naman ng nangyayari sa pamilya nila at naging tahimik na rin sila. Bumalik na sa States ang dalawang magkapatid at sila na rin ang namahala sa kompanyang ipinamana ng lola nila sa kanila.

Naiwan sa Pilipinas ang kanilang ama dahil pinagbabayaran niya ang kasalanan niya.

Samantala naman, nasa isang coffee shop si Celeste at naghihintay. Kanina pa siya tingin nang tingin sa pintuan sa tuwing may pumapasok. Napapabuntong hininga na lang siya dahil mukhang hindi na sisipot ang katagpo niya ngayon.

Hinalo niya ang inorder niyang iced coffee at dahil sa tagal niya ng naghihintay tunaw na ang mga yelo. Naiintindihan niya naman kung ayaw ng makipagkita ni Hannah sa kaniya. Ilang linggo na silang balita kay Hannah pero alam nila kung saan ito pansamantalang nakatira.

Kinuha na ni Celeste ang bag niya at akma na sanang aalis nang may biglang lumapit sa kaniya at hinihingal at sa tindi ng init sa labas ay halos maligo na siya sa p