Chapter 11

Humihikab ako habang paupo sa aking puwesto. Napamaang ako nang biglang kumaripas si Andrei ng takbo palapit sa akin habang may hawak na columnar pad.

"Guevarra!" he shouted na tila ba wala ako sa harapan niya. "May assignment ka sa accounting?" tanong niya sa akin.

"Ha? May assignment?" nakakunot noong tanong ko sa kaniya.

"Oo pre, p-in-ost daw sa group page last week," sagot nito.

Nanlaki ang mata ko, "May group page tayo sa accounting?!"

Medyo napalakas ang boses ko kaya nagsitinginan sa direksyon namin ang iba naming kaklase.

"Gago, bakit hindi ako kasali?" usal ko saka nagmamadaling hinugot ang columnar bag at ballpen sa loob ng aking bag. "May sagot ka na?"

Napakamot siya sa batok at doon pa lang ay alam ko nang wala siyang sagot kaya binatukan ko siya.

"Wala ka talagang kuwenta," I tsk-ed saka luminga-linga sa paligid upang maghanap ng mako-kopyahan.

Sakto namang pagpasok ni Mosqueda sa classroom habang may kagat-