Chapter 40. Paghingi ng Tulong

CONTINUATION....

"Hindi ba si Janvir Neo Dela Fuente ang leader nyo?! Bakit hindi nyo titigan ang mukha ng anak ko?!!" sigaw kong muli sa dalawang lalaki.

Alam kong maguguluhan ang anak ko sa sasabihin ko pero wala na akong choice kundi sabihin ang totoo para mailigtas sya.

Darating naman talaga ang oras na malalaman din ni Nico ang totoo tungkol sa tunay nyang ama.

"Ngayon sabihin nyo sa akin kung sino ang kamukha nya. Nais ba ng leader ninyo na ipahamak ang nag-iisa nyang anak!! Ang batang nasa harap nyo ay ang tanging tagapagmana ng ng lahat ng pag-aari ng Dela Fuente at ang magiging susunod na leader ng Dark Mercury Organization! " galit na tinig ko.

Tila natigilan sila at matamang nakatitig lang sa mukha ni Nico. Hindi sila makapaniwala.

"Kanino ba galing ang misyon na ito Kurt? Hindi ba ikaw ang tinawagan?!!" tarantang wika ng naka blue shirt na urong sulong na sa paglalakad.

"Ako nga ang tinawagan ni Abby pero iyon daw ang utos ng leader" paliwanag naman ng nagngangalang Kurt