Chapter 67

67

Dalawang linggo na akong nasa bahay nila Tatay ngayon dahil mayroong bussiness trip si Lucian, hindi na ako sumama dahil kakasimula ko palang pumasok sa Unibersidad. Hindi rin ako ginugulo ngayon ni Blaire dahil laging bumubuntot sa akin si Reese Sullivan. Nasanay na rin ako sa presensiya niya dahil kaibigan pala siya ni Aria.

Ngayon araw ay wala kaming pasok kaya naman napagpasiyahan kong makipagkita kay Jessie at Shiela. Hindi kami natuloy noon dahil sa biglaang pagsama ng pakiramdam ko. Sa totoo lamang ay hindi ko rin alam kung bakit palaging masama ang pakiramdam ko ngayon.

"Kuya, nasaan si Leigh? " Tanong ko kay Kuya Helios ng makababa ako sa sala.

"Nasa garahe, ilalabas niya raw ang sasakyan sa main door. Saan ang lakad mo ngayon? Bukas pa ang uwi ng asawa mo a? "

"Magkikita kami nila Jessie. Hindi kami natuloy noong nakaraang linggo." Mabilis na sagot ko sa kanya.

"Ayos lang ba ang pakiramdam mo ngayon? Sabi ni dad, ilang araw na daw masama ang pakiramdam mo a? "

"Okay lang