Chapter 89

89

"DADDY! " Masayang sigaw ng aking kambal ng makita nila ako sa kanilang eskwelahan, nagsusummer class sila ngayon dahil sa pasukan ay papasok na sila sa daycare.

Napangiti naman ako ng sabay silang tumakbo palapit sa akin.

" Surprise! " Ngiti ko sa kanila at sinalubong nila akong dalawa ng yakap.

"Daddy, hindi na kami inaway kanina ni Stephen pero pumasok siya."

"Huwag niyo na lang siyang pansinin mga anak ko ha? Mas mabuti nang kayo ang umiwas sa kanya. " Malumanay ang ngiti na ibinigay ko sa kanila. Hindi ko na pinasama si Lyrica dahil galit na galit siya. Mabuti na lamang at nakinig siya sa akin.

FLASHBACK

Nakaupo ako ngayon sa opisina ng principal. Hinihintay ko ang magulang na nagreklamo sa anak ko.

"Good afternoon po Sir. Ano pong sadya niyo rito?"

"Good afternoon. I'm Lucian Drivas, nandito ako dahil may nagpatawag sa magulang ng mga anak ko. Ako po ang ama nina Lyra at Lyla." Mukha namang nagulat ang principal.

"Ah, okay po Sir. Papunta na po rito ang magulang ni Stephen."