Chapter 42

No Turning Back

TINANGHALI na siya ng gising kinaumagahan iyon ay dahil matagal siyang nakatulog pagkahatid ni Oliver sa kaniya. Alam rin niya kung bakit hindi siya ginising ng kaniyang abuela. Iyon ay dahil wala naman siyang pasok sa araw ng sabado.

Inabot niya ang kaniyang cell phone saka nagtipa ng mensahe para sa katipan. She sent him a sweet morning message. Pagkatapos ay bumangon na siya at naligo bago nag-almusal.

Kinahapunan ay nakatanggap siya ng tawag mula kay Tita Carolina, the woman wanted to talk to her. Kinakabahan naman niyang sinang-ayunan ang gusto nito, tungkol iyon sa nasabi niya nang nakaraang araw. Huminga siya nang malalim habang patungo siya sa kinauupuan ng ginang na naghihintay sa kaniya sa isang tahimik na restaurant.

“Good afternoon,” bati niya pagkalapit dito.

Nagtaas ito ng tingin at ibinaba ang iniinom nitong juice. “Hija, sit down.”

Naupo naman siya. “Tita—”

“What do you want, Dynee? Mag-order muna tayo ng makakain natin.”

“K-Kayo ho ang bahala, Tita.”