Kabanata 15: Unknown caller

Ricks POV

Habang nasa byahe ay madaming iniisip si Ricks, papunta siya ngayon sa hospital para palitan doon ang nobya niyang si Joy, ito kasi ang bantay sa inay niya ngayon.

Nahiraman na niya lahat ng mga kakilala at kaibigan niya pero kulang pa din ang perang nalilikom niya para sa operasyon ng kaniyang ina.

Ilang araw na din siyang hindi nakakapasok sa trabaho. Siya kasi ang palaging nasa hospital para magbantay sa nanay niya dahil ang dalawa niyang kapatid ay nag-aaral at malapit na ang exam ng mga ito. Ang tatay naman niya ay matanda na at ayaw na niya itong nagpupuyat sa pagbabantay sa hospital at si Joy naman ay pa minsan-minsan lang humahalili sa hospital dahil pumapasok ito sa trabaho.

Hindi ito makaliban ng matagal sa trabaho dahil may mga naka-abang pa silang bayarin sa upa ng bahay, tubig at kuryente. Kung tutuusin ay nahihiya na siya sa nobya dahil mas malaki ang perang naibigay nito kaysa sa kaniya. Marami ang mga nagbigay ng tulong dito para sa operasyon ng kaniyang ina