Chapter 13

Chapter 13

Napatingin siya kay Cassiopea nang sitsitan siya nito pagkapasok na pagkapasok pa lamang niya sa departamento nila. Kalalabas niya pa lamang ng general comfort room ng tower na nasa unang palapag. Malinis naman doon at mabango dahil oras-oras yata nililinis ng mga cleaning crew kaya nakayanan niyang tumambay roon.

“Saan ka galing? Hinahanap ka ni Sir Ali. Nakailang balik iyon dito.”

“Sa comfort room.”

“Apat na oras ka sa comfort room?”

Oo, at may balak pa siyang mas magtagal pa sana roon kung hindi lang siya nakokonsenya na kinuha na lahat sa kanya ng kanyang mga ka-opisina ang mga trabaho niya.

“SK,” singit ni Linda na nanlalaki pa ang mga mata nang makita siya. Napausal pa ng pasasalamat na nakita siya. “Lagot na. Galit na galit si Sir. Hindi tinanggap ang resignation letter mo. Hinahanap ka. Hala ka!”

Bakit na naman siya hinahanap ni Alejandro gayong magre-resign lang naman siya? Gu