Chapter 54

Sinabi naman kaagad ni Callix kay Isabel na girlfriend niya ang sinabi niya sa Tita Daisy niya pagkarating niya sa mansion kinagabihan. Hindi makapaniwala si Isabel na sinabi 'yon ni Callix na boyfriend niya. Hindi 'yon ang inaasahan na sasabihin ng boyfriend niya kaya nakaramdam siya ng kaba't takot.

"Paano na n'yan, babe? Dahil sa sinabi mo na 'yon ay sigurado ako na galit na galit ngayon ang Tita Daisy mo n'yan. Akala ko pa naman ay makikusap ka lang sa kanya na kung puwede na i-extend ang pag-submit ko ng article na 'yon tapos iba naman pala ang sasabihin mo sa kanya. Sinabi mo sa kanya na hindi na ituloy ang pinapagawa niya sa akin," nakangusong tugon ni Isabel sa guwapong boyfriend niya na si Callix.

Humugot nang napakalalim na buntong-hininga si Callix bago niya sinagot ang girlfriend niya na halata sa mukha ang kaba at pag-aalala sa nalaman niya mula sa kanya.

"Inaasahan ko na 'yon na magagalit siya sa akin, babe. One hundred percent na galit talaga siya sa akin ngayon dahil