Chapter 39

🔥🔥🔥🔥🔥

Kinabukasan ay nag-aalangang pumasok si Sunday. Baka bigla na lang dumating si Matteo sa bahay. Pero sa huli'y pumasok na lang din s'ya. Wala na rin naman s'yang magagawa kung iyon talaga ang mangyayari.

Hindi s'ya nagpakita kay Matteo. Wala s'yang lakas ng loob para humarap dito. Masyado s'yang nakokonsensya.

Nagtatapon s'ya ng basura nang may marinig s'yang mga nag-uusap. Napatalikod s'ya.

"Di nga? May anak na si Mr. De Luca?"

"Oo, at taga rito ang maswerteng babae."

"Angkkks! Kainggit naman, huhuhu! Nakita mo?"

"Oo sa lobby kanina."

Bigla s'yang napaharap sa mga ito. "M-May kasama s'yang bata?"

"Ah, yes po. Ang sabi nila'y anak daw niya 'yon," magalang na sabi ng isang matangkad na babae.

"S-Sige, salamat." Nanghihina s'yang lumakad palapit sa fire exit. Umupo s'ya sa hagdan. Ito ang pinaka ayaw niyang mangyari pero ng dahil sa mga nalaman niya'y wala na s'yang lakas ng loob para ilayo