Nangangatog ang mga tuhod na nagpatuloy sa pag-urong si Ludwig."Akala ko ba kaya mong sabayan ang kakayahan ko sa pakikipaglaban? Bakit tila nangangatog na ang mga tuhod mo umpisa palang?" wika ni Luke habang patuloy naman sa paglapit kay Ludwig. "Kung luluhod ka ngayon din at aamining mas mahusay akong makipaglaban kaysa sa'yo, papatawarin kita at hahayaan kayong umalis sa mansyong ito." pagbabalik ni Luke sa sinabi ni Ludwig kanina.Hindi nagdalawang-isip si Ludwig na bumawi ng postura upang lumuhod sa harapan ni Luke."S-suko na ako! Aminado na akong mas mahusay ka nga kaysa sa akin!" pasigaw na sambit nito na halos halikan na ang semento."What are you doing? Paanong suko ka na?" gulat na tanong ni Richard. Dismayadong pinagmamasdan si Ludwig."What on earth just happened? Napasuko ni Luke si Ludwig nang ganun kabilis?" manghang patanong na wika ni Divina sabay napatakip pa sa kanyang bibig. Ito ba ang Luke na isang tagahugas lang ng plato sa kanilang restaurant?Napangiti lang si
Nagtagpo ang tingin ni Luke at Kina. Bahagya pang napataas ang kilay ni Kina nang makilala si Luke. 'Siya ang lalaking nagligtas sa'kin sa bar noon.' pagkumpirma nito sa kanyang isip. Bahagya siyang nakaramdam ng saya pero hindi niya ipinahalata iyon. Sinabayan niya lang ang titig ni Luke. Ang mga mata nila ay tila parehas na nangungusap sa isa't-isa. Ilang segundo silang nagkatitigan bago iyon naputol nang magsalita si Theodore. "Lord Javier! You shouldn't be here. Magsisimula na ang main event." sambit nito. "Why I shouldn't be here? May nakapagsabi sa'kin na may nagaganap na gulo rito kaya gusto kong makita kung ano iyon. Hindi ko ba pwedeng makita kung anong nangyayari dito?" usisa ni Javier. Medyo namamaos na ang kanyang boses dahil sa katandaan. "H-hindi po yun ang ibig kong sabihin. I'm already taking care of things here." tugon ni Theodore habang bahagyang nakayuko. "Hindi mo na po dapat inabala pa ang sarili mo." Kahit na mas mataas ang estado ng pamilya Velasquez sa pam
Sumunod silang lahat na pumasok sa mansyon at nagkanya-kanya ng pinuntahan habang nasa hulihan nila si Luke at Joey. "Humihingi ako ng paumanhin Mr. Cruise sa abalang naidulot sa'yo nina Richard at ni Mr. Velasquez. Nauunawaan kong baka nais ninyong parusahan sila sa ginawa nila. But please, this event is very important for both families, sana hayaan niyo muna naming tapusin ang pagdiriwang na ito." bahagyang nakayukong pakiusap ni Joey. "Hindi mo kailangang ihingi sila ng kapatawaran, Mr. Alanis. Lalo na si Richard. Nauunawaan kong isang mahalagang pagdiriwang ito at may respeto ako kay Lord Javier." Sa laki ng atraso ni Richard sa kanya ay gustong-gusto na niyang tapusin ang kahibangan nito. Lalo pa't nakilala nito si Kina, bagay na ipinag-aalala niya pa. Sigurado siyang handa nitong kalimutan si Veronica at traydurin si Lance para lang maangkin si Kina. "Salamat sa pag-unawa, Mr. Cruise." nakangiting sambit ni Joey. "Do you plan to stay here and watch the event? O gusto niyong s
Unti-unting naliwanagan si Luke sa sitwasyon. Kung tama ang kanyang pagkakatugma, ang kakalabasan nito ay sapilitan lang ang kasal ni Kina. Nagtatrabaho si Kina bilang waitress upang masuportahan ang kanyang sarili. Marahil ay ang pag-aaral niya. Dahil hindi naman talaga kabilang na ang mga magulang ni Kina sa pamilya Alanis. Anuman ang dahilan ay mga magulang na mismo ni Kina ang nagpaunawa nito kay Luke na itinakwil sila ng pamilya Alanis. Nang makita ni Luke kung gaano kalungkot si Kina kanina sa garden house ay tingin ni Luke na ang dahilan nito ay ang sapilitang kasal nila ni Lance. Bukod pa rito ay kaibigan ni Lance si Richard pero maging si Richard ay ngayon lang nakilala si Kina. Ibig sabihin lang ay hindi pa gaano katagal na magkakilala si Kina at Lance. May mabubuo bang pag-ibig sa kanilang dalawa sa loob lang ng maiksing panahon na hahantong sa desisyon nilang magpakasal? Kung magiging magkasintahan man ang dalawa ay hindi naman siguro nila maiisipang magpakasal kaagad. L
Pagkatapos ng napakaganda at napakahusay na pag-perform nina Dwayne ay nakumbinsi nga nito ang mga bisita katulad ng sinabi ni Theodore sa kanila."Mahusay nga sila. Ano ang pangalan ng club nila?""I'll make sure to hire bodyguards from their dojo!""Mr. Dwayne pa-autograph po ako mamaya!""Ang galing nila! Totoo nga ang sinabi ni Mr. Velasquez!"Kaliwa't-kanang komento at papuri ang maririnig mula sa mga bisita. Maging si Javier ay napahanga rin sa ipinamalas nina Dwayne.Wala namang karea-reaksyon ang mukha ni Dwayne habang bahagya lang nitong tinatanguan ang mga bisita bilang pasasalamat sa binibigay nilang papuri."Who's this instructor again? Bakit hindi ko siya kilala kung taga rito siya sa Quezon?" tanong ni Javier kay Theodore."He is Dwayne Lacson. He's training his students at White Dragons Dojo Club in a low-key manner. Iilan lang ang personal na nakakakilala sa kanya, kabilang na si Richard." sagot ni Theodore na may malawak na ngiti sa kanyang mukha."White Dragons Dojo
"Luke! Bakit ang tagal mong sagutin? Bilisan mo! Pumunta ka agad ngayon dito sa cafeteria! May kailangan kang makita!" Maririnig ang pag-aalala sa boses ni Tony mula sa kabilang linya ng tawag."Bakit, anong nangyari?" nagtatakang tanong ni Luke habang nakakunot ang kanyang noo.Nasa kalagitnaan siya ng pagligo nang magsimulang tumunog ang kanyang cellphone. Patuloy lang ito sa pagtunog hanggang sa matapos siyang maligo. Nang makitang si Tony ang tumatawag ay agad niyang sinagot ito.Nakasuot lamang siya ng puting tuwalya at natatakpan lang nito ang ibabang bahagi ng kanyang katawan, habang nakalantad naman ang itaas na bahagi na may magandang hubog na animo'y alagang gym. Kapansin-pansin din ang maliit nitong birthmark sa kaliwang bahagi ng kanyang dibdib na tila para bang hugis ulo ng isang dragon. Kung sino man ang makakakita nito ay aakalaing tattoo ito ng ulo ng dragon."Basta dalian mo! Pumunta ka agad dito! Si Veroni—" Hindi natapos si Tony sa kanyang sasabihin. Pagkatapos ay na
Bumalik si Luke sa kanilang dormitoryo. Pagkatapos niyang pumasok sa kanilang kwarto ay dumiretso siya sa kanyang kama at naupo. May pasok dapat siya ngayon pero dahil sa nangyari sa cafeteria ay nawalan na siya ng gana.Mamasa-masa ang mga matang ibinaling niya ang kanyang tingin sa isang picture frame na nakapatong sa maliit na drawer sa gilid ng kanyang kama. Picture nila iyon ni Veronica noong unang anniversary nila. Ang kalungkutan sa kanyang puso ay mas tumindi pa nang makita niya ang nakangiting mukha ni Veronica sa larawan. Kinuha niya ito at ilang segundong pinagmasdan. Pagkatapos ay binuksan niya ito mula sa likod saka kinuha ang mismong laman nitong litrato at itinapon sa basurahan ang frame.Mapait siyang napangiti habang hinahaplos niya ang mukha ni Veronica sa litrato. Matapos ng ilang saglit, ay pinunit niya ito at itinapon din ito sa basurahan. Kasabay nito ang kanyang pangako sa sarili na sisimulan na niyang kalimutan ang tungkol sa kanilang dalawa. Kahit na alam niyan
"Itigil niyo 'yan!" sigaw ng isang lalaki sa hindi kalayuan.Sabay-sabay na napalingon ang mga tao sa pinanggalingan ng boses. Nakatingin ito sa direksyon nina Luke habang magkasalubong ang kilay. Matangkad ito na marahil ay nasa singkwenta pataas na ang edad dahil sa medyo mauban nitong buhok. Ang maayos na kulay-abo na suot nitong suit at makintab na itim na sapatos, kasama ang kanyang postura ng katawan, ay nagbibigay ng impresyon ng isang makapangyarihang negosyante.Siya si Bernard Bautisa, ang Presidente ng ENDX Corporation. Ang isa sa tanyag at pinakaiginagalang na negosyante sa buong mundo."Is that really Mr. Bautista?" tanong ng isa sa mga nakikiusisang empleyado."Omg! Ang gwapo niya pa rin kahit may edad na!" mahina at kinikilig na bulalas naman ng isa pang babaeng empleyado."Totoo ba ito o baka nananaginip lang ako? Siya ba talaga si Mr. Bautista?" hindi makapaniwalang saad naman ng isa pa habang kinusot-kusot pa ang kanyang mata.Lahat sila ay hindi makapaniwala sa kanil