Chapter 49 - Like Mother, Like Daughter

"Katarina?" gulat na tanong ni Luke sa kanyang sarili.

Anong ibig sabihin nito? Niloloko niya ba si Roger?

Namumukhaan ni Luke ang lalaking kasama ni Katarina. Isa ito sa naging bisita sa banquet sa restaurant ng kanyang tito Damian at ito ang lalaking kasama nina Katarina sa parehong mesa nila. Ito rin marahil ang dahilan kung bakit sila nakapunta sa ganung klaseng pagdiriwang.

Makapangyarihan din ba ang lalaking ito? Niloko ba ni Katarina si Roger dahil sa mayaman ito? Kailan niya pa ginagawa ito?

Mabilis na tumalikod si Luke nang lumingon si Katarina sa kinaroroonan niya. Magiging awkward lang ang senaryo kapag nakita siya nito. Sigurado siyang uusisain na naman nito ang kanyang presensya sa ganung klaseng boutique.

Pero magagawa kaya iyon ni Katarina? Hindi ba't si Katarina pa nga itong dapat matakot o mahiya sa kanya dahil baka isumbong niya ito kay Veronica o kay Roger?

"Mr. Alanis! It's good to see you!" dinig ni Luke na sambit ng lalaking kasama ni Katarina.

"Mr. Edmund Abad!