I Want to See You

LACEY’S POV

"Wala ka bang pasok ngayon?" Sabi sa akin ni Daddy pagdating ko sa opisina niya Martes ng umaga.

“Hindi muna ako pumasok ngayon, daddy kasi parang masama ang pakiramdam ko, eh,” sagot ko, hinaplos pa ng marahan ang aking kanang braso bago umupo sa upuan sa harap ng desk niya.

"Kung parang masama, bakit ka pumunta dito? You should stay home and rest." Medyo galit ang boses ni Dad.

“Dad, iinom ko lang naman ito ng gamot , at saka bored na bored ako sa bahay,” sabi ko, pinalambot ang boses ko na kunwari naglalambing.

"Hindi mo ako mahuhuli sa mga taktika na ganyan, bata!" Galit na sabi ni Dad.

“Daddy naman eh, nagpapaalam naman ako kay Mommy bago pumunta rito,” nagmamaktol kong paliwanag dito.

"If your attitude works for your mother, it won't work for me, Lacey! Kaya umuwi ka na at magpahinga bago pa kita ipapasundo dito,” sabi nito at akmang may tatawagan sa kayang cellphone. Tatawagan yata nito ang resident bodyguard namin.

“Oo, uuwi na ako,” sabi ko at agad na tumayo at lu