SADNESS FOR BREAKING THE PROMISED OF LOVE

CHAPTER 75:

_

Halos sampung minuto na ang nakakalipas magmula nang pumasok siya sa kanilang kwarto matapos ang naging pag-uusap nila ni Liandro.

Ngunit nanatili pa rin siyang nakatayo at nakasandal lang sa likod ng nakasaradong pinto at patuloy lang sa pag-iyak.

Nakatakip ang kamay sa bibig upang hindi makalikha ng ano mang ingay ng dahil sa kanyang pag-iyak.

Hindi niya gustong magising si VJ at makita siya ng anak sa ganu'ng sitwasyon.

Hindi na niya nagawang pigilan ang sariling emosyon na kanina pa gustong umalpas. Walang tigil sa pagbalong ang kanyang luha na tila ba ayaw nang maampat.

Pero bakit nga ba siya umiiyak? Dahil ba nakakaramdam na siya ng pagkabigo at iniiyakan na niya ang kanyang kasawian at kawalan ng pag-asa na ipaglaban pa ang kanyang pagmamahal.

Ano nga ba ang dapat niyang gawin?

Puno ng kalituhan ang kanyang isip kung kanino bang salita ang mas higit niyang dapat sundin?

Sa isang taong naging napakabuti sa kanya at pinangungutangan niya ng lahat pati