THE REVELATION

CHAPTER 28: Who is really you?

_

Hatid pa rin niya ng tanaw ang papalayong si Angela, hanggang sa tuluyan na itong mawala sa kanyang paningin.

Ang sarap ng kanyang pakiramdam, parang napawi ang sakit ng kanyang katawan at kirot ng tinamo niyang sugat kagabi. Dahil sa paghabol niyang mailigtas ito sa kapahamakan.

Kapag pala mahal mo ang isang tao, makakagawa ka ng imposible. Kaya mo nga palang daigin kahit pa nga si Superman, dahil ang pakiramdam niya lumipad siya kagabi maabot lang niya ang dalaga.

Ngayon alam niyang magagawa niya ang lahat mahalin lang siya ni Angela. Hindi niya ito nagawa kay Liscel noon at hindi rin niya naramdaman ang ganitong uri ng pakiramdam. Kaya mas naging bukas na ngayon, ang puso at isip niya sa pagpapatawad.

Ngayon lang din niya naisip at natanggap ang naging pagkukulang niya noon kay Liscel. Kaya marahil nagawa siya nitong pagtaksilan noon.

Ang buong akala niya, sapat nang gusto mo ang isang tao. Dahil siya ang pangarap mong makasama, dahil siya ang