Chapter 114: Instant Celebrity

NGUMISI PA si Alia nang makita niya si Geoff na titig na titig na. Sa kanyang mga mata ay may kislap pa ng pag-ibig sa mata nito. Nagtataka lang talaga siya na hindi 'yun maamin ng kanyang amo. Ilang beses na rin niyang pinayuhan ito pero nagmamatigas pa rin siya.

"Tingnan niyo Sir, parang instant celebrity ang asawa niyo doon oh! Believe na believe sa kanya ang mga taong nakapalibot."

Napaiwas na ng tingin dito si Geoff. Hindi pinansin ang huling tinuran ni Alia. Anong paki niya? Alam niya ang dahilan kung bakit kasama nila si Dexter Silverio at nang dahil 'yun sa project.

"Hindi ba at si Mr. Silverio 'yun? Narito ba sina Mrs. Carreon dahil sa Building Tower na project—"

"Stop calling her Mrs. Carreon, Alia. May makarinig sa'yong ibang tao. Tawagin mo na lang siya sa pangalan niya. Maliwanag ba?"

"Sir, wala namang ibang tao sa atin dito bukod sa atin at sa mga—"

"Huwag ka ng mangatwiran. Sundin mo ang gusto ko!"

"Sir, alam ko ang nararamdaman mo. Hindi mo kailangang ilihim."

Mapang