11. LUCKY 1

FREYA

“Gan’yan ang phone mo?” parang diring-diri na tanong niya.

Nailang akong itinago ang phone ko sa bulsa ko dahil doon. Alam ko na marami siyang pera pero dapat alam niya rin na maraming mahihirap na gaya ko sa mundo, na kontento na lang sa kung ano ang mayroon ako.

“Importante lang naman sa akin ay may number ako mabigay sa mga inaaplayan ko ng trabaho kaya okay na ang ganito,” nahihiya kong wika.

Alam ko namang naunawaan niya ang kaibahan ng mayaman sa mahirap. Naunawaan niya kaso baka hindi niya alam na… na kung sa gaya niya ay basura ang tingin sa mga gamit ko, ang isang gaya ko naman ay karangyaan na ang phone kong ito.

At sa tulad niyang nahihiga sa pera, sigurado akong hindi niya alam ang sinasabing pangunahing pangangailangan lang ang mahalaga. Kaya sa gaya naming isang kahig at isang tuka, ang pagkakaroon ng phone kahit de-keypad lang 'yan ay luhong maituturing na.

Karangyaan na ang phone na ito kasi pwede namang mabuhay na walang phone. Nabili ko lang naman ang p