Chapter 36.1

Lizabeth's POV

Pagbalik ko ng mansyon ay mukhang nasa dining ang mga tao dahil napaka tahimik sa lobby. Kaagad akong umakyat papunta sa kwarto namin ni Kenzo at nag-impake. Kailangan kong magmadali, sigurado akong sa oras na maabutan niya 'ko dito ay hindi na niya ko papalabasin. 

Ang mga kinuha ko lamang ay ang mga dati ko pang damit noon. Iniwan ko lahat ng mga binili sa akin ni Kenzo, pati na ang mga sapatos at bags ay hindi ko na isinama sa maleta ko.

May naramdaman akong mabalahibong bagay sa aking paanan nang sinasarado ko na ang maleta. Pagtingin ko doon ay si Lizenzo pala.

"L-lizenzo." Kinarga ko siya at saka ko siya niyakap habang inaamoy-amoy. Gising na pala siya, palagi lang kasi siyang natutulog tapos mag-iingay kapag nagugutom.

"Aalis na 'ko, ha. Ikaw na ang bahala kay Kenzo. Sana alagaan ka niya, magpakabait ka sa kanya, ha." May konting luha ang lumabas sa mga mata