CHAPTER 18: Baby Flower

A MONTH has passed. Sa tulong ng therapist ay umayos ang binti ni Drew. Bibihira itong magtungo sa opisina para sa meeting at madalas na nananatili ito sa kanilang tirahan upang magpagaling.

Nagpatuloy si Orion sa pagbantay sa kanya habang may bodyguard din na nakabantay ngayon kay Drew.

Nang umuwi si Lily mula sa school ay natagpuan niya ang isang seksing babae na papalabas ng kanilang bahay. Kumunot ang kanyang noo na pinasadahan ito ng tingin. Hindi niya maiwasan na hindi mag-isip ng hindi maganda sa kung ano ang ginagawa roon ng babae. Ang mga tipo nito ang mga klase ng babae na nagdadaan kay Drew noon kaya may sumibol na katanungan sa kanyang dibdib.

“Hi! You must be Mrs. Walton,” anito na nagawa pang ngumiti nang pilya.

“Yes, I am. And you are?” usisa niya rito.

“Jenny Cordova. Sekretarya ako ni Drew. May dinala at kinuha lang akong ilang dokumento sa kanya.”

‘Cordova?’ May kaugnayan kaya ang babae kay Jericho Cordova? Dahil katrabaho ito ni Drew ay napanatag naman s