CHAPTER 49: Faye Burnham

ILANG araw pa ang lumipas, naroon si Kael sa opisina nang isang bisita ang hindi niya inaasahan na dadalaw sa kanya, si Faye Burnham. Hindi na niya ito nakita simula noong kaarawan ng kanyang ina.

‘What is she doing here?’

Sa loob ng ilang araw ay pinilit niyang kinalimutan ang babae tulad ng nais nito. Nababaliw na siya sa mga desisyon niya at kailangan niyang bumalik sa tamang daan. Nakapagdesisyon na siya na iiwasan ito para wala silang problema, ‘tapos ngayon ay narito ang dalaga?

“Let her in,” utos niya sa kanyang sekretarya.

Ilang saglit pa ay nakita niya si Faye. Propesyunal ang anyo nito sa suot na pencil skirt at blusa.

Isinara nito ang pinto, napalunok nang makita ang seryoso niyang anyo. “I’m sorry. Importante ang kailangan ko sa ‘yo.”

“Umupo ka na muna.”

“Thank you!” Sumunod ito.

Tumayo siya at tinungo ang water dispenser. Kailangan niya yata ng tubig dahil sa presensiya nito. “Gusto mo ng kape or tea?”

“Tea please…”

“Earl gray lang ang meron ak