CHAPTER 73: BLYTHE

"I LOVE YOU SO MUCH IT HURTS..."

SA GITNA ng kadiliman ay isang nakakatakot na nilalang na mayroong pulang mata, ang ilaw nito ay nagbibigay kay Blythe nang wagas na panghihina sa kaniyang katawan. Naniksik siya sa makapal na pader sa kaniyang likuran; ang bawat kabog ng kaniyang puso ay tila nagmimitsa ng kaniyang kamatayan. Humiyaw si Blythe nang minsan siya nitong sunggaban, ang mahahaba nitong mga daliring mayroong matatalas na itim na kuko ay hawak ang kaniyang leeg at pinipigil ang kaniyang paghinga. Walang kahirap-hirap siya nitong inangat sa ere; dahan-dahah ay bumukas ang napaka-lawak nitong bunganga. Ang mahahaba nitong pangil ay kumikinang sa tama ng liwanag ng bilong na buwan. Ipinikit ni Blythe ang kaniyang mga mata, nangunyapit ito sa kaniyang katawan. Sinubukan niyang muling humiyaw para manghingi ng saklolo ngunit gaya sa mga na-una'y walang tinig na lumalabas sa kaniyang bibig.

"Please, tulungan ninyo ako!" sigaw niya't mabilis na bumangon mula sa kaniyang pagkakahiga.