Chapter 53

Pahinamad na naupo si Abigail sa sofa pagkarating nila ng bahay. Tama nga ang sinabi ni Axis na mas matagal kang makakarating sa bukal kaysa 'pag uuwi ka. Ala una sila bumaba ng bundok tapos alas singko sila nakauwi. Hindi katulad kahapon na isang araw talaga sila umakyat paakyat sa may bukal. Hindi naman siya sobrang pagod pero ang binti at paa niya ang namamanhid. Siguro ay dahil sa layo ng nilakad nilang dalawa.

Dumako ang tingin niya kay Axis na ibinababa ang hiking bag sa sahig. Kapagdaka ay naupo at inalis ang suot na hiking boots. Tahimik lang din niyang pinanood ang bawat kilos nito. Parang nasasanay na siyang kahit hindi ito nagsasalita basta nasa tabi niya ito at nakikita ay kontento na ang puso niya. Nang maalis nito ang suot na boots at medyas ay tumayo ito at lumapit sa kaniya. Lahat ng sakit at tampo na naramdaman niya kanina ay agad naglaho nang lumuhod ito at alisin ang sapatos niya.

Hindi maayos ang pagkakatali ng buhok nito kaya nalaglag iyon at natakpan ang mata nit