KABANATA 34 I ANG PABORITONG BULAKLAK NI VIA

Tumunog ang doorbell sa labas ngunit wala man lang pakialam si Via roon dahil busy ito sa kakakain ng kaniyang almusal.

Hanggang ngayon ay naaalala pa niya kung gaano siya tratuhin ng may pag-iingat at pagmamahal ni Sean kahapon. Punong-puno ng mga tanong ang kan’yang isip, bakit ba napakabait ni Sean sa kaniya?

Hinimas-himas pa nito ang tiyan niyang nagsisimula nang umumbok. Hindi lang iyon, ingat na ingat pa si Sean sa tuwing kikilos siya, para siyang itnuturing na salamin na madaling mabasag kung hindi iingatan.

Sa pagkakaalam ni Via, ayaw na ni Sean sa relasyon nila at gusto pa nga nitong ipalaglag ang bata sa kaniyang sinapupunan ‘di ba?

Sinabi pa nga niya na tumahimik siya at ayaw na ayaw nitong ipaalam ang relasyon nila sa mga tao. Ano ba talaga ang gustong iparating ng lalaking iyon at nakarating pa talaga ito sa Cebu.

Hinding-hindi naman kasi magiging sila dahil ikakasal na rin naman si Sean. Hindi rin ito nagpaliwanag at pumasok na lang sa buhay niya ng basta-basta at ni i