Chapter 17

Kinabukasan, hindi pumasok sa trabaho si Kenjin sa kumpanya ng mismong pamilya nila dahil sa kahihiyan na natamo. Ayaw niyang makita ng mga tao kung gaano kasaklap ang nangyari sa kanya.

Naging busy siya buong araw para tawagan ang dapat tawagan upang makaganti sa kung sino man ang gumawa sa kanya. Ito rin ang araw na magsisimula si Igneel sa trabaho, kahit na ayaw pa rin ni Aricella ang naging resulta ng pagkaroon niya ng trabaho, wala na siyang magagawa. Bukod sa ayaw niyang si Klarence ang naging boss ni Igneel, ayaw niya rin na mas lalong laitin si Igneel ng mga tao. Kung nasanay na si Igneel sa mga insulto ng mga tao, si Aricella ay ayaw niya ng makarinig pa. Hindi niya man aminin sa kanyang sarili, nasasaktan siya para kay Igneel.

"Narinig ko ang balita, totoo bang asawa mo ang kaibigan ni Sir Klarence?" tanong ni Junie kay Igneel.

Nang pumasok si Igneel sa trabaho ayan agad ang bungad ni Junie sa kanya, tahimik lang si Mang Lando habang nakatingin kay Igneel at umiiwas naman