Chapter 33

Wala ng magawa si Jay at ang kasama niyang dalawa nang tuluyan silang pinaalis ni Jonas. Sinabihan pa niya na siya na ang magsasabi kay Igneel sa nangyari.

"Anong gagawin natin?" tanong ng isang lalaki na kasama ni Jay.

Umigting ang panga ni Jay, hindi alam ang gagawin dahil mas sigurado siyang malalagot sila ni Igneel. "Kahit kailan ay bida-bida ang lalaking iyon." Nanggigiliti niyang sabi.

Sumang-ayon naman ang dalawa. Matagal na silang naiinis kay Jonas dahil minsan ay naging bossy ito sa kanila pero ang mga minsan na iyon ay utos na nagmula kay Igneel kaya wala rin silang magagawa kundi ang sumunod dahil sumali sila sa organisasyon na buhay ang ibubuwis kaya dapat alam na nila ang posibleng mangyayari.

Sa kabilang banda, habang nagtatrabaho si Arciella sa loob ng opisina ni Igneel dahil ang sabi niya ay komportable siyang magtrabaho sa opisina ni Igneel. "Kanina pa may tumatawag sa'yo, hindi mo ba sasagutin?" tanong ni Igneel nang mapansin na hindi pinapansin ni Aricella a