Chapter 44

Lagat sila ay nakatingin kay Aricella, gusto mang sundan ni Igneel ang asawa ngunit hindi niya magawa agad dahil hinarangan siya ni Arman.

“Lumayas ka sa pamamahay namin, lalaki. Dahil hindi ko hahayaan na madumihan ang pangalan ng anak ko at ng pamilya namin dahil sa’yo. Umalis ka bago pa ako tumawag ng pulis para ipakuling ka…” mahabang sabi ni Arman.

Umigting ang panga ni Igneel, gusto niyang sagutin ang pamilya ni Aricella ngunit hindi niya magawa dahil ang tanging iniisip niya ay si Aricella na nais niya ng puntahan.

“Leave now,” singit na sabi ni Janette.

“Kakausapin ko ang asawa ko—“

Isang malakas na sampal ang natanggap ni Igneel mula kay Janette. Galit na galit si Janette dahil sa pagmumukha ni Igneel, bilang isang ina ay iniisip niya pa rin ang nararamdaman ni Aricella kaya ang sa tingin niya ay mas makakabuti kung mawala si Igneel sa buhay nila lalo na sa buhay ni Aricella.

“Ano ba ang hindi mo maintindihan sa umalis ka na at huwag mo ng dungisan lalo ang pangalan namin, h