Chapter 26 - His surprise

Napalinga-linga si Anastasia sa paligid. Hindi ito ang daan putungo sa kanyang bahay. Nagtatakang nilingon ni Anastasia ang lalaking seryoso sa pagmamaneho. Nakatutok ang mga mata nito sa daan.

Hinawakan niya ang braso nito.

"Saan tayo pupunta?" Nagtatakang tanong ni Anastasia. Dahil ibang direksiyon ang kanilang binaybay na daan. Napansin niyang hindi pa rin sila nakakalabas ng Maravilis City. Nakita niya ang karatulang 'Private Property' nang dumaan sila sa security post.

Hindi umimik si Vance nagpatuloy lang ito sa pagmamaneho. Mayamaya huminto ang Maybach na sinasakyan nila sa harap ng malaking bakal na gate.

Napatingin siya kay Vance.

"Bahay ninyo?"

"Bahay ko!" pagtutuwid ni Vance sa sinabi niya. Pagbukas ng malaking gate, tumambad sa kanilang harapan ang mala-palasyong bahay na nakatirik sa gitna ng malapad na garden. Kahit gabi na ay kitang-kita pa rin ang magarang disenyo ng bahay.

Napatakip siya a kanyang bibig sa sobrang pagkamangha sa bahay nito.

"B-bahay mo