Chapter 42 - Her past

"Mama!" palahaw ng pitong taon na bata. Nakatayo ito sa tabi ng hagdan habang pinapanood ang kanyang ina na kinaladkad ng mga pulis.

"Anak, huwag kang umiyak, okay lang si mama, malalagpasan ko ito. Inosente ako anak, wala akong kasalanan, hintayin mo ako, babalikan kita, Ellijah!" sagot ng ina nito habang hilam sa mga luha ang mga mata.

"Mama! Huwag mo akong iiwan! Mama!" huling sigaw ng bata bago ito matumba at hindi sinasadyang mabagok ang ulo nito sa

rehas na bakal ng hagdanan. Duguan ang ulo na tumiya sa malapad na hagdan.

--------

Pawisang napabalikwas ng bangon si Anastasia. Nanghihinang inabot niya ang baso ng tubig sa bedside table. Mula noong nabunyag ang pagkatao niya, hindi na siya pinatahimik ng iba't-ibang panaginip halos gabi-gabi. Nais niyang malaman kung siya ba ang batang iyon, na laging laman ng kanyang mga panaginip. Dahil Ellijah rin ang pangalan ng bata. 'May alam kaya si Alex sa totoo kong pagkatao?' nasa isip niya. Dahil pakiramdam niya hindi ata nag