Kabanata 1690

Katakot-takot ang pamumutla ng mukha ni Tia. Lalo siyang nakonsensya at natakot nang itama ni Dayton ang malamig at matalim na tingin nito sa kaniya.

Iniisip niya pa rin kung paano nalaman ni Dayton ang tungkol doon.

Anong ebidensya ang nahanap niya?

Bakit tinatanong lang siya nito tungkol sa ginawa niya apat na taon na ang nakalipas?

Hindi… Lahat ng surveillance camera ay nasira ng apoy noon. Walang ebidensyang naiwan. Kung hindi, sa angking kakayahan ni Dayron, hindi aabot ng apat na taon bago nito malaman na siya ang nasa likod ng lahat.

Ibig sabihin, wala siyang ebidensiya. Marahil nakarinig lang siya ng mga sabi-sabi sa kung sino man.

Matapos suriin ang sitwasyon, ang puso ni Tia na nangangamba ay unti-unting kumakalma…

Hanggat wala siyang ebidensya at patuloy niyang itatanggi ang lahat, walang magagawa sa kaniya si Dayton.

Umiling siya at nagkunwaring nagagalit dahil sa maling akusasyon. "Sino ang nagkakalat ng tsismis sa harapan mo at na inaakusahan ako sa isang bagay