Chapter Sixty-Seven: Pagbalik ng ala-ala

LUMAPIT siya sa kinalalagyan ni Athena at ng lapitan niya ito ay niyogyog niya ang balikat ng matanda dahil tila nanaginip ito habang tulog at umiiyak. “M-Mama! Mama!” ginigising niya ito mula sa pagkakatulog at inabot ito ng halos sampung segundo at kusang dumilat ang mga mata nito. Nagtama ang kanilang mga mata at bigla nalang itong bumangon at niyakap siya.

Nagulat si Stella sa naging kilos ng babae at niyakap ito ng mahigpit. “Mama ayos ka lang po ba? Anong nangyari sa’yo, may masakit po ba?” sunod-sunod na tanong niya sa matanda ngunit nagsimula nanaman itong umiyak. Hahayaan niya muna sana ito dahil doon ngunit kusa na itong nagsalita.

“N-Nanaginip ako Stella, at sa panaginip na iyon ay hindi ko na daw maalala ang anak kong si Ace at kung ano-anong masasakit na salita ang nasabi ko sa kaniya.” Natigilan si Stella dahil sa narinig. Maging ang kamay na kaninang humahagod sa likod ng matanda ay natigil dahil doon. “A-Alam ko na kapag tumagal ay lalala ang sakit ko Stella pero hi