Forty Five

Jarred

"Red ..."

Mapupungay na iminulat ko ang aking mga mata. Nakagisnan kong humahaplos ang kanang kamay ni Crystal sa mukha ko. Nakangiti ito ng ubod tamis sa akin at walang halong pagpapanggap.

Isang linggo pa lang ng maging kami na ni Crystal. Hindi ko nga alam pero kung paanong kaybilis ng panahon na naging kami na agad. Noong una ay puro pagpapakita lang ng motibo ang ginagawa nito. Hanggang sa unti-unti na ring nakukuha niya ang loob ko.

Hindi ako mahilig sa mga babaeng mahilig mag first move lalo na siya ang lalaki. Gayunman, iniisip ko na lang na isa itong magandang pagkakataon para makapagsimula ako.

Sa katunayan ay nasa bahay kami ngayon at nasa kwarto ko mismo! Kagabi lang ay ganap nang isinuko nito ang pagkakababae sa akin.

Hindi naman ako ang unang lalaki sa buhay nito kaya hindi na ito birhen nang angkinin ko kagabi. Hindi naman ako nagtaka o nagdamdam pa.

Wala na din iyon sa akin dahil alam kong sarili ko ay hindi ko ring magawang maging tapat sa pag-ibig ko dito.