Chapter 25: Preparasyon

Matapos ang ilang araw ay na-discharge na rin si Arianne sa hospital. Buti na lang at hindi malalim ang sugat na gawa ng paglaslas niya. Nagpapasalamat din siya dahil unti-unti ng nagbabalik sa normal ang lahat. Maging ang relasyon nila ni Jake ay maayos na rin. Sa katunayan, ito pa nga ang nagbantay sa kaniya kaya pareho silang absent sa trabaho.

Si Jake na rin ang naghatid sa kaniya pauwi sa kaniyang dormitory. Hindi na rin siya tumutol sa kagustuhan ng lalaki. Anito ay gusto lang nitong makabawi sa lahat ng mga pagkukulang nito sa kaniya. Pangalawa, gusto nitong siguraduhing ligtas at maayos ang kaniyang kalagayan sa kaniyang pag-uwi.

“Dito na lang siguro.” Pigil niya sa lalaki nang akmang papasok pa ito sa loob. “Okay na ako, at kaya ko na ang sarili ko.” Dagdag pa niya para makaiwas sa mga matang nakatingin sa kanila.

“Ikaw ang bahala.” Hindi na rin kumuntra pa si Jake. “By the way, tomorrow ay birthday ng kapatid ko. Would you mind to come with me?” anito pang tiningnan siya s