Kabanata 19

"Sir Danny, naman! Bakit mo nilasing?" maktol ko, nang makitang wala na sa katinuan si Joel. Panay ngisi na. Nakakainis, sayang ang paganda ko. Lasing pala ang madadatnan ko.

"Anne..." tawag nito sa pangalan ko, kasabay ang pagsinok at pagtawa. Parang tanga!

"Pambihira ka naman, Sir Danny! Ito ba ang sinasabi mo na, you will keep him company?! Nilasing mo! Kainis ka, sayang effort ko... bad influence ka talaga!" padabog kong nilagay sa table ang tray ng meryendang dala ko.

Walang imik at kibit balikat lang ang tugon ni Sir Danny, sa mga pagdadabog at reklamo ko.

"Umayos ka nga, Joel! Isa ka rin, sabi mo hindi mo kailangan ang pampalakas loob, ano na? Lasing ang labas mo!" irita kong sabi. Nakapagsermon pa ako ng wala sa oras.

Sinamaan ko ng tingin sa Sir Danny na tahimik pa rin habang kinakain ang sandwich na para sana kay Joel.

"Kasalanan mo talaga ito, Sir!" duro ko ang boss kong wala man lang paki.

"Joel naman kasi, alam mo naman na madali kang malasing. Nangako ka pa noon na hi