Chapter 44

Dahil natuloy si Sico sa pag-alis kaya tuloy din kami ni Rico sa paglipat. Nakapag decide na ako na hindi na muna ako tutuloy sa pag-aaral at saka na matapos kong manganak.

Natawa nga si ma’am Lay kasi kagaya niya noon ay ganoon rin ang ginawa ko.

Handa na ang gamit namin, pababa na ako sa sala dala ang gamit ko nang magulat ako dahil nakita ko rin si ate Dehlia na nasa sala na dala ang gamit niya at para bang hinihintay kami.

“Tara na Rachelle,” nakangiting sabi niya habang ako ay nagulantang at hindi alam ang sasabihin. Sasama siya sa amin ni Rico?

“Sasama ka?”

“Oo naman. Alangan namang iwan mo ‘ko dito e ikaw ang kapatid ko,” ang sabi niya.

“Sweetheart,” rinig kong sabi ni Rico na pababa na sa hagdan.

Gaya ko ay kumunot din ang noo niya kay ate Dehlia.

“Bakit? May problema ba?” tanong ni ate.

“A-Ano.. w-wala naman,” ang sabi ko nalang at hinarap si Rico.

“Pwede namang sumama si ate hindi ba Rico? Para may makasama na rin ako kung nasa trabaho ka,” sabi ko. Napaisip naman s