Chapter 52

“Zeym, anong ginagawa mo diyan?” ang tanong ko kay Zeym. Napansin ko kasi ang pagbukas ng gripo sa banyo kaya pinuntahan ko siya.

“Oh basa ang mukha mo,” sabi ko.

“Naghilamos ako, malamang,” aniya at nilagpasan ako.

“Kumain ka na?” sabi niya sa akin. Umiling ako.

“What? Kumain ka na.. Ito naman. Ang tigas ng ulo mo,” aniya. Hindi ko alam kung naiirita ba siya sa akin o hindi. Pero sanay na ako sa ugali niya kaya ayos lang.

Isang buwan na ang lumipas at wala na dito si Rico kasama ni kuya Carlitos. Umalis na sila papuntang Paradiso. May sakit kasi ang lolo nila kaya kailangan nila itong dalawin.

Kami lang ni Zeym ang naiwan dahil si ma’am Lay ay may ginagawa pa at hindi pa siya makakapunta dito.

Pero sabi ni Doc Mia ay kailangan ko ng pumunta ng hospital at doon nalang hintayin ang pagputok ng panubigan ko.

“Uuwi si Rico,” sabi ni Zeym.

“Kakaalis pa nga lang nila,” natatawang sabi ko.

“Isang linggo na siya sa Paradiso. Pwede naman siyang umuwi kapag tapos na ang ginagawa niya