Chapter 53

Nagkagulo na sa hospital. Nagtuloy tuloy ako sa paglabas kahit nanghihina ako.

Iyong anak ko kasi, kailangan kong makita.

Habol ko ang hininga nang maanigan ko si PJ na pumasok sa isang pintuan.

May hawak siyang sanggol. Malakas ang kutob ko na anak ko iyon.

Pinilit kong ihakbang ang paa ko. Nagmamadali akong sundan siya, hindi alintana ang sakit sa sugat buhat sa panganganak.

"PJ..." Mahinang sabi ko habang sinusundan siya.

Paglabas ko ng pintuan, nakita ko siya naglakad palayo ng hospital. Kinain ng takot ang puso ko.

Kukunin ko ang anak ko sa kaniya.

Nagmadali ako. Tinawag ko siya ngunit hindi niya narinig ang boses ko.

Halos hindi ko na maihakbang ang mga paa ko. Nawala na si PJ sa paningin ko.

Nawawalan na ako ng pag-asa. Naiiyak ako sa kawalang pag-asa ngunit bigla siyang bumalik.

Hindi pa rin niya ako nakikita. Hindi niya ako napapansin.

Sobrang layo na niya sa akin pero kitang kita ko siya.

Nakita kong binigay niya ang anak ko sa isang pulubi at agad na tumakbo. N